Archive

Archive for February 19, 2019

buzurg, video aur ear-phone – poem by Muslim Saleem

February 19, 2019 Leave a comment

buzurg, video aur ear-phone
Shewa hai buzurgon ka ke bachchon se chhupa kar
woh video suntay hain ear-phone laga kar
kuch aur naheen, dekhte hain film purani
maazi ki jawani ke haseen khwab saja kar
bachchay to bade hotay hi begane hue hain
youtube se ab dosti karli hai daba kar
Naushad o Ravi, Nayyer o S.J. bhi hain haazir
Talat o Rafi , Asha, Lata mlitay hain aakar
woh daur sunehri tha nai nasal yeh sun le
fankar they woh aisay jo atay nahi ja kar
Yousuf hon Gurudutt hon, woh meena ke Madhu hon
le jatay hain jazbaat ki lehron mein baha kar
ab Jani o Mahmood ka milta nahi sani
GhamgeeN hoN agar hum to yeh jatay hain Hansaa kar
maddahon mein fankaron ke Muslim bhi hai shaamil
dataa hain woh naghmon ke to saame hai gadagar
.. .. .. .. .. .. .. .. .. .
Nayyer= o. p Nayyer, s. j. = Shankar jaikishan, Yusuf = dilip kumar, meena. meena kumari, madhu. madhubala, jani. Johney Walker, gadagar. bhikari

Advertisements
Categories: Muslim Saleem

jhoot se Iqtidaar milta hai…muslim Saleem – 18 february 2019

February 19, 2019 Leave a comment

muslim Saleem – 18 february 2019
yeh miray daur ki haqeeqat hai sach se kaanton ka haar milta hai
rehnuma sab yeh maan baithay hain jhoot se Iqtidaar milta hai
sachche aashiq ka har zamane mein bas yahi haal-e zaar milta hai
Qais farhaad ho ke raanjha ho pairhan taar taar milta hai
chhor day maikashi mahabbat kar dekh kya tujh ko yaar milta hai
aisi masti kahan hai bottle mein mein jo khumar milta hai
manzilon ki taweel raahon mein sabr ka khar=zaar milta hai
tuutati hain khizaan ki zanjeeren tab pPayam e bahar milta hai
Sarhad e ishhq se zara agay aik aabi mazaar milta hai
jisko koi uboor kar na sakay behr ik be kinar milta hai
be sabab aik dosray ke liye ab dilon main ghubar milta hai
shahr e ulfat jahan pe basta tha nafratoon ka dayaar milta hai
nafratoon ki kateeli jhaari par zehr phal bay-shumaar milta hai
roz-afzoon farogh par Muslim zulm ka kaarobar milta hai

Categories: Muslim Saleem