Archive

Archive for August, 2018

SANGEET KAY SUREELAY ZAMANAY MAIN JEE KAY DEKH

August 23, 2018 Leave a comment

MUSLIM SALEEM – 23 August 2018
SANGEET KAY SUREELAY ZAMANAY MAIN JEE KAY DEKH
UNNEES SAU PACHAAS KAY ASHRAY MAIN JEE KAY
DEKH
GAR JAANANA HAI KAISI HAI JAKDAN NIBAAH KI
TU BHI BANDHAY TIKAY HUAY RISHTAY MAIN JEE KAY
DEKH
US KAY LABON PE PHAILI HAI ZEHREELI SI HANSI
MEHNGAAI KEH RAHI KE SASTAY MAIN JEE KAY DEKH
LETA HAI DOOR DOOR SAY NAATAK KA KYUN MAZAA
KIRDAR BAN KAY KHUD HI TAMAASHAY MAIN JEE KAY
DEKH
TU RAUSHNI KA DAM PAY HAI ZINDA, MIRI TARAH
TANHAAI KAY AMEEQ ANDHARAY MAIN JEE KAY DEKH

Advertisements
Categories: Muslim Saleem

MUSLIM SALEEM …22 August 2018 ASHKON SAY BEETAY WAQT KY MANZAR BHIGO LIYE

August 22, 2018 Leave a comment

MUSLIM SALEEM …22 August 2018
ASHKON SAY BEETAY WAQT KY MANZAR BHIGO LIYE
JO KOI YAAD AA GAYA US KO HI RO LIYE
HAMKO YAQEEN KARNA THA HAM HAIN BHI YA NAHEEN
AASAAB SO NA JAYEN TOU NASHTAR CHUBHO LIYE
BARSON KI KHAMUSHI PE YUN SHABKHOON MAARIYE
KUCCH HAM SUNAYEN HAAL TOU KUCHH AAP BOLIYE
AAKHIR KO KEH UTHHAY KE JO KEHNA KABHI NA THAA
ITNA KAHAAN THAA SABR KE HAR BAAT TOLIYE
IQBAL, MEER, GHALIB O MUSLIM HAIN BAY-MISAAL
QATRAY HAIN KUCCH JINHON NAY SAMANDAR SAMO LIYE

Categories: Muslim Saleem

Muslim Saleem – 20 August 2018 bay-yaanay ki shakl bana di hai ham nay

August 20, 2018 Leave a comment

Muslim Saleem – 20 August 2018
bay-yaanay ki shakl bana di hai ham nay
dil par teri muhr laga di hai ham nay
uski anaa kuchh aisay barha di hai ham nay
apni anaa har tarh ghata di ham nay
bay-qadri ki dhoop na tujhko jhulsaye
sheron ki bauchhar laga bana di hai ham nay
chaar ankhon say gup chup baatain kar kar kay
lafzon ki deewar gira di hai ham nay
is main chamakta rang e lahu sindoori hai
aaj ghazal ki maang saja di hai ham nay

Categories: Muslim Saleem

MUSLIM SALEEM -19 August 2018 Na jafaon na wafaon jaisi

August 20, 2018 Leave a comment
MUSLIM SALEEM -19 August 2018
Na jafaon na wafaon jaisi
pyar ik cheez hai daon jaisi
jinki taseer ho maon jaisi
woh duayen hain dawaon jaisi
jab hukumat na ho, dukh deti hain
adatain farman-rawaon jaisi
daur kaisa hai, watan main nafrat
aaj phaili hai wabaon jaisi
mehfil e husn hai ab bazm e sukhan
indra raja ki sabhaon jaisi

 —

Categories: Muslim Saleem

MUSLIM SALEEM —EK LADKI  EK LADKI HAI HAWAON JAISI

August 20, 2018 Leave a comment
MUSLIM SALEEM —EK LADKI
EK LADKI HAI HAWAON JAISI
MEHKI MEHKI SI FAZAON JAISI
EK GAYAK KI SADAON JAISI
IK MUSAWWIR KI DUAON JAISI
HUSN HAI SHEHRI HASEENA JAISA
SAADGI USKI HAI GAON JAISI
CHEHRA JAISE HO DAMAKTA SURAJ
ZULF LEHRAYE GHATAON JAISI
SEEKH LAY BAAD E SABA BHI AB TOU
KUCHH ADA USKI ADAON JAISI

 

Categories: Muslim Saleem

MUSLIM SALEEM – 18 AUGUST 2018 TUM KAHAN SAY ZINDAGI MAIN AA GAYE

August 20, 2018 Leave a comment

MUSLIM SALEEM – 18 AUGUST 2018

TUM KAHAN SAY ZINDAGI MAIN AA GAYE

HAM ACHANAK RAUSHNI MAIN AA GAYE

HAM NAHEEN THAY WO JO HAM DIKHNAY LAGAY

DEHR KI SHEESHAGARI MAIN AA GAYE

DEKH LEEJAY HAM HUAY KYA KAAMYAB

KITNAY CHEHRE HAMSARI MAIN AA GAYE

RASM E BANDAPARWARI KAR DO ADA

HAM TUMHARI BANDAGI MAIN AA GAYE

KAANPTAY ANJAAM SAY HOTA JO HOSH

HAM YAHAAN DEEWANGI MAIN AA GAYE

Categories: Muslim Saleem

MUSLIM SALEEM – 13 AUGUST 2018 HAM NAY KABHI WAFAAON KA CHARCHA NAHEEN KIYA

August 20, 2018 Leave a comment
MUSLIM SALEEM – 13 AUGUST 2018
HAM NAY KABHI WAFAAON KA CHARCHA NAHEEN KIYA
WO BHI NIBHAA DIYA HAI JO WAADA NAHEEN KIYA
POSHEEDA AARZU’ON KO RUSWA NAHEEN KIYA
DIL KHOOn KIYA HAI AANKH KO DARYA NAHEEN KIYA
MEHFIL MAIN JAHILON KI RAHE PUR WAQAAR HAM
CHUP CHAAP LAUT AAYE TAMAASHA NAHEEN KIYA
CHIDIYA KO KYA UDAA KAY KOI BAAZ LAY GAYA
WAA AAJ US HASEEn NAY DAREECHA NAHEEN KIYA
MAULA KA YE KARAM HAI KE MUSLIM HAR EK KAAM
YUN KAR LIYA HAI HAM NAY KE GOYA NAHEEN KIYA

 

Categories: Muslim Saleem