Archive

Archive for July, 2014

Muslim Saleem – Naat – Guzaarem zindagi ham log…

naat guzaaren..(yeh Naat-e-paak share kar raha hoon. Pehle bhi ki thi lekin aaj is par Janab Akmal Hussain ke ek shaandar comment aya hai is liye dobara share kar rah hoon, khas taur say naye doston ke liye.)

GUZAAREN ZINDAGI HAM LOG AAQA KAY SALEEQAY SAY
TO UTRAIN GI KHUDA KI RAHMATEN HAR EK DARECHAY SAY
BARAAH-E-RAAST BANDE AUR KHUDA KAY DARMAYAAN KYA HAI
HIDAYAT BHI WASEELAY SAY ITA’AT BHI WASEELAY SAY
WASEEL ZINDAGI MAIN BHI HAMAARE KAAM AATA HAI
BACHENGE HUZN SAY ROOZ-E-QAYAMAT BHI WASEELAY SAY
MUQADDAS SHEHR DUNIYA MAIN BASAY HAIN JAA-BA-JAA LEKIN
YEH RAAH-E-AMN-E-AAALAM SIFRF NIKLI HAI MADEENAY SAY
JIHAD-E-ZINDAGI LAAZIM HAI MUSLIM, JAAN LO LEKIN
MILEGI KAAMYABI SIRF AAQA (SAW) KAY TAREEQAY SAY.

(JANAB Akmal Hussain KA COMMENT YE HAI……
Paris….once called the capital of the arts of savoir-faire and savoir-vivre (knowing how to do and how to live)….1968 French government decided to build eight new cities as extension of the existing city. Plan of this daring initiative bore an epigraph from SENECA ” It is not because things are difficult that we don’t dare. It is because we don’t dare that they are difficult” ,I wish,if in future,in our jurisdiction, any plan is dared to build new city the inauguration stone shall bear ,as epigraph, this couplet of Muslim Saleem “Muqqadas shehr dunya mein basay hein ja baja laikin – yeh rahay amnay alam sirf nikli hay Madenay say ” Sir, if it happens don’t forget me.)

Categories: Muslim Saleem

Muslim Saleem – Naat – Shakle-e-Nabi main….

naat maula naySHAKL-E-NABI MEIN NOOR UTAARA MAULA NE
YUN INSAAN KA BAKHT SANWARA MAULA NE
IS SE BARH KAR FIRT-E-MABABBAT KYA HOGI
NAAM KABHI LE KAR NA PURAKA MAULA NE
NAA GEHNAAYE, NA DOOBE AISAY SOORAJ SE
KHATM KYA JAG KA ANDHIYARA MAULA NE
AAQA! HUM SE RAB KEHTA HAI HUM BHI JAPAIN
JAISAY JAPAA HAI NAAM TUMHARA MAULA NE
UN PAR KHUD QURAN BHI WAARI JATA HAI
WOH JIN PAR QURAN UTAARA MAULA NE
SIDRA PAAR NABI NE DEKHA MAULA KO
YA PHIR UN KA KIYA NZARA MAULA NE
US KO LAGAYA APNE NABI KI MIDHAT PAR
KHOOB DIYA MUSLIM KO SAHARA MAULA NE

Categories: Muslim Saleem

Muslim Saleem – ghazal

by

ghazal samjhote ka qaail hoonSAMJHOTAY KA QAAIL HOON REH REH KE LACHAKTA HOON
ITNA NAH JHUKA MUJH KO MEIN TOOT BHI SAKTA HOON

JAB OUNCHAY PAHARON SE TAKRA KE PALAT_TA HOON
MAIDAN HI NEECHA HAI, MAIDAN PAY BARASTA HOON

KHAYE HAIN FRAIB ITNAY INSAAN SE DARTA HOON
WEHSHAT MEIN KHUD APNE HI SAAYE SE BHARAKTA HOON

YAKH-BASTA MULAKAATEIN, RISHTE BHI HAIN BARFEELAY
YEH AAG BHI KAISI HAI MEIN JIS MEIN SULAGTA HOON

KUCH AUR SITAM US NE IJAAD KIYE HON GE
ZALIM KE TABASSUM KO MEIN KHOOB SAMJHTA HOON

Categories: Muslim Saleem