Batin ko sajata hai yeh Ramzan ka maheena> Shams Bhopali

Shams Bhopali
Shagird-e-Janab Muslim Saleem sahab

(Repost)
Baatin ko sajaata hai yeh ramzaan ka mahina
Eeman barhata hai yeh ramzaan ka mahina

is maah main ho jaata hai Iblees muqayyad
Fitnon se bachaata hai yeh ramzaan ka mahina

Rozon ke yen tohfe, yeh taraweeh ki nemat
Sab humko dilata hai yeh ramzaan ka mahina

Ai momino! Barh-charh ke karo is main ibaadat
Darjon ko barhaata hai yeh ramzaan ka mahina

Ber aati hain is maah main saaim ki muraadein
Khushiyan kai laata hai yeh ramzaan ka mahina.