Archive

Archive for the ‘Muslim Saleem’ Category

MUSLIM SALEEM – JAB BAY-HIJAB WO SAR E MEHFIL NIKAL PADAY

January 9, 2019 Leave a comment

MUSLIM SALEEM – 9 JANUARY 2019
JAB BAY-HIJAB WO SAR E MEHFIL NIKAL PADAY
AANKHON KE RAASTE SE KAI DIL NIKAL PADAY
ITNA SUKOOT E BEHR E MAHABBAT HUA TAWEEL
MAUJON KO DHOONDHTE HUAY SAAHIL NIKAL PADAY
RAAHON SE BAY-KHABAR THAY MAGAR POOCH POOCH KAR
BAY-KAARWAN HI JAANIB E MANZIL NIKAL PADAY
MAAZI MAIN JINKE SAR THAY ZAMEEN SE LAGAY HUAY
HIMMAT DIKHAANE AAJ WO BUZDIL NIKAL PADAY
PHAILAYA WHATSUP NE KUCCH IS TARHA “ILM O FUN”
SAMJAHANE MAAHIREEN KO JAAHIL NIKAL PADAY

Advertisements
Categories: Muslim Saleem

MUSLIM SALEEM – APNI KHOOBI NAHEEN, US KI KHOOBI THI SAB

January 7, 2019 Leave a comment
MUSLIM SALEEM – 7 JANUARY 2019
APNI KHOOBI NAHEEN, US KI KHOOBI THI SAB,
HAAN MAGAR HAM THAY RAAHI E RAAH E GHAZAL
MALKA E HUSN KI AISI TAREEF KI, SAB NE HAMKO
KAHA BADSHAH E GHAZAL
 
KAAM AAYA SUKHAN KA HUNAR, BAZM MAIN HAM BHI
THAY WO BHI THAY AUR KAI LOG THAY
GHAIR PAR RAAZ E ULFAT NAHEEN KHUL SAKAA, DIL
NE DIL SE KAHA SAB BARAAH E GHAZAL
 
ROZGAAR E JAHAN KE HAZAROM ALAM CHHEEN SAKTE NAHEEN MUJH SE MERA SUKUN
JANNAT E NAGHMA O TARB KAHIYE JISE,
HAI MIRE PAAS WO AISH-GAAH E GHAZAL
 
RAAG MAIN RANG MAIN ISHQ KI JANG MAIN, ZINDAGANI KA KOI BHI MAIDAN HO
PAST KAR DEN HAREEFON KE LASHKAR KO JO, MERE ALFAAZ HAIN WO SIPAH E GHAZAL
 
AISE DOOBE KHAYALON KI GEHRAI MAIN, TEH SE LE AAYE GAUHAR CHAMAKTE HUAY
IS KHARABI MAIN IK SARFARAZI BHI HAI, YUN TO HARCHAND HAM HAIN TABAAH E GHAZAL
Categories: Muslim Saleem

Muslim Saleem majmooa Amad Amad as e-book on rekhta.org

January 5, 2019 Leave a comment
Categories: Muslim Saleem

MUSLIM SALEEM …KHWAB KI SARZAMEEN …NAYA SAAL MUBARAK

December 31, 2018 Leave a comment

MUSLIM SALEEM …KHWAB KI SARZAMEEN …NAYA SAAL MUBARAK
THODI KAANTON BHARI AUR KUCHH MAKHMALEEN
AISI JADOO’EE DUNIYA KAHEEN BHI NAHEEN
REH KE DUNIYA MAIN PAHUNCHA DE ARSH E BAREEN
KHWAAB KI SARZAMEEN, KHWAAB KI SARZAMEEN

AAFAT E JAAN KABHI HAI TOU RAHAT KABHI
WASL E MEHBOOB AUR US SAY FURQAT KABHI
LAMS SE BAYRUKHI AUR IJAAZAT KABHI
KHWAAB KI SARZAMEEN, KHWAAB KI SARZAMEEN

JAAGTA SO KAY BHI DIL KAA ARMAAN TOU HAI
HAATH MAIN USKI ZULF E PAREESHAN TOU HAI
KUCHH BHI HO DIL BAHALNAY KA SAAMAAN TOU HAI
KHWAAB KI SARZAMEEN, KHWAAB KI SARZAMEEN

BHOOL JA RANJ O GHAM, MAT PARESHAN HO
JIS KI AGHOSH MAIN RAAHAT E JAAN HO
CHALIYE AISI JAGAH JIS MAIN IMKAAN HO
KHWAAB KI SARZAMEEN, KHWAAB KI SARZAMEEN

CHAND SAA;AT SAHI DAF E AALAAM HAI
BAYKASON KE LIYE EK IN’AAM HAI
FAIZ-YAAB IS SE HAR KHAS AUR AAM HAI

IS MAIN MILTAY TOU HAIN MAAH RUKH, MAH-JABEEN
YE TAMASHA MAGAR HAMKO BHAATA NAHEEN
SUBH HOTAY HI CHHAT JAYEN MANZAR HASEEN
KHWAAB KI SARZAMEEN, KHWAAB KI SARZAMEEN

Categories: Muslim Saleem

MUSLIM SALEEM – IS LIYE THODI BHI DILCHASPI NAHEEN TAABEER MAIN

December 30, 2018 Leave a comment

MUSLIM SALEEM – 30 DECEMBER 2018
IS LIYE THODI BHI DILCHASPI NAHEEN TAABEER MAIN
HAM HI HAM BAS HUKMRAAN HAIN KHWAB KI JAGEER MAIN
KUCHH AMAL MAIN MUNHAMIK HAIN AUR KUCHH TADBEER MAIN
IS SE SAB ANJAAN HAIN LIKHKHA HAI KYA TAQDEER MAIN
CHAASHNI LAFZON KI BHI HO GUFTUGOO KE SHEER MAIN
SOORATEN ACHHI SAHI, ACHHI BHI HON TASEER MAIN
RAUSHNI KE WO KHAZAANE HAIN TIRI TASWEER MAIN
HAM ANDHERE SE NIKAL KAR AA GAYE TANVEER MAIN
MANZILEN TOLEN GI USKO IZZAT O TAUQEER MAIN
SHART HAI JOSH E JUNOON BAS SEENA A RAHGEER MAIN
JAANE KIS KE PHOOL JAISE HAATH NE LIKHKHI HAI YE
BHEENI BHEENI MAST SI KHUSHBOO HAI IS TAHREER MAIN
AHANI KADIYON KO BESHAK TOD SAKTA THAA MAGAR
BAANDH KAR RAKHKHA HAI US NE PYAAR KI ZANJEER MAIN
ISHQ SACHCHA HAI HAMAARA DEKH LENA EK DIN
AAG ULFAT KI LAGAA DENGE DIL E BAYPEER MAIN
CHAND TINKE PYAAR KE JUD JAYEN TOU AI DOSTO!
UNKO PHIR BIKHRA DE YE TAQAT NAHEEN SHAHTEER MAIN
JAZBA E MUSLIM HAI LAA FAANI, BAQAA KO MAAT DE
KAAT KUCCH AISI NAHEEN DUNIYA TIRI SHAMSHEER MAIN

Categories: Muslim Saleem

Muslim Saleem – 23 December 2018 Suraj ke saath saath wo rehta safar main hai

December 23, 2018 Leave a comment

Muslim Saleem – 23 December 2018
Suraj ke saath saath wo rehta safar main hai
Deewar hai thami hui saaya safar main hai
Milta hai koi gar tou bichharta bhi hai koi
Rishton ka ik ajeeb tamasha safar main hai
Khidki se bus ki dhikti hai hat shai rawan dawan
Bachcha samajh raha hai ke duniya safar main hai
Manzil kab aa gayee naheen lagta hai kuchh pataa
Saathi koi haseen jo milta safar main hai
Duniya hai tere qadmon main ghar se nikal ke dekh
Pal pal taraqqiyon ka ishaara safar main hai
Tu ruk gaya tou Kya hua Muslim Zara ye dekh
Gardish main hai zameen zamana safar main hai

Categories: Muslim Saleem

MUSLIM SALEEM – EK MUSHKIL GHAZAL

December 21, 2018 Leave a comment
MUSLIM SALEEM – EK MUSHKIL GHAZAL
IDHAR BOLI UDHAR BOLI YAHAN BOLI WAHAN BOLI
KHULI IK BAAR TOU AISE ZABAN E BAY-ZABAN BOLI
GALA JAB GHUT GAYA TOU PHIR TAH E NOK E SINAAN BOLI
HAZARON HASRATON KE SAATH CHASHM E NEEM-JAAN
BOLI
SAR E MAQTAL BHI SACHCHAI KI AISI SURKH-ROOI THI
HAQEEQAT AASHNA THI AUR HAQEEQAT KA BAYAN
BOLI
KHIRAD WAALO! JUNOON E ISHQ KE NAQSH E QADAM
CHOMO
HAMARI PUSHT PAR ISTADA GARD E KARWAAN BOLI
KIYE WOH WAR HAIBAT-KHEZ KE SHAMSHEER DUSHMAN KI
HAMARE SAAMNAY SAR KO JHUKA KAR AL-AMAAN BOLI
ZAMANA CHHOD DAY LEKIN MAIN TERAY SAATH HOON
MUSLIM
HUAY TANHA TOU HAM SAY YUN HAMARI DASTAN BOLI
Categories: Muslim Saleem