Archive

Archive for January 20, 2019

Tu jeet na paye gaa chaalaki ke pheron se – Muslim Saleem

January 20, 2019 Leave a comment

Muslim Saleem – 20 January 2019
tu jeet na paye gaa chaalaki ke pheroon se
dushman se zara keh do lartay sheron se
yeh raat ke rasiya hain ulfat hai andheron se
shab-baash khilandron kw shikwa hai saweron se
ashaar ki doulat mushkil hai bacha paana
mehfooz nahi koi shuhrat ke luteron se
tadbeerye bohat kar len kuch kaam naheen aaya
nikla hai bhala koi taqdeer ke gheron se
is saanpon ki basti mein zinda bhi to rehna hai
kar Rakha hai yaraana hum ne bhi saperon se
waq’at naheen samjhain tou akhbaar, kitaaben kya
deewan bhi raddi main tul jatay hain seron se
rakhtay hain shama roshan yeh soch ke is dil mein
ik roz to hum muslim niklen ge andheron se

Advertisements
Categories: Muslim Saleem