Archive

Archive for August 20, 2018

Muslim Saleem – 20 August 2018 bay-yaanay ki shakl bana di hai ham nay

August 20, 2018 Leave a comment

Muslim Saleem – 20 August 2018
bay-yaanay ki shakl bana di hai ham nay
dil par teri muhr laga di hai ham nay
uski anaa kuchh aisay barha di hai ham nay
apni anaa har tarh ghata di ham nay
bay-qadri ki dhoop na tujhko jhulsaye
sheron ki bauchhar laga bana di hai ham nay
chaar ankhon say gup chup baatain kar kar kay
lafzon ki deewar gira di hai ham nay
is main chamakta rang e lahu sindoori hai
aaj ghazal ki maang saja di hai ham nay

Advertisements
Categories: Muslim Saleem

MUSLIM SALEEM -19 August 2018 Na jafaon na wafaon jaisi

August 20, 2018 Leave a comment
MUSLIM SALEEM -19 August 2018
Na jafaon na wafaon jaisi
pyar ik cheez hai daon jaisi
jinki taseer ho maon jaisi
woh duayen hain dawaon jaisi
jab hukumat na ho, dukh deti hain
adatain farman-rawaon jaisi
daur kaisa hai, watan main nafrat
aaj phaili hai wabaon jaisi
mehfil e husn hai ab bazm e sukhan
indra raja ki sabhaon jaisi

 —

Categories: Muslim Saleem

MUSLIM SALEEM —EK LADKI  EK LADKI HAI HAWAON JAISI

August 20, 2018 Leave a comment
MUSLIM SALEEM —EK LADKI
EK LADKI HAI HAWAON JAISI
MEHKI MEHKI SI FAZAON JAISI
EK GAYAK KI SADAON JAISI
IK MUSAWWIR KI DUAON JAISI
HUSN HAI SHEHRI HASEENA JAISA
SAADGI USKI HAI GAON JAISI
CHEHRA JAISE HO DAMAKTA SURAJ
ZULF LEHRAYE GHATAON JAISI
SEEKH LAY BAAD E SABA BHI AB TOU
KUCHH ADA USKI ADAON JAISI

 

Categories: Muslim Saleem

MUSLIM SALEEM – 18 AUGUST 2018 TUM KAHAN SAY ZINDAGI MAIN AA GAYE

August 20, 2018 Leave a comment

MUSLIM SALEEM – 18 AUGUST 2018

TUM KAHAN SAY ZINDAGI MAIN AA GAYE

HAM ACHANAK RAUSHNI MAIN AA GAYE

HAM NAHEEN THAY WO JO HAM DIKHNAY LAGAY

DEHR KI SHEESHAGARI MAIN AA GAYE

DEKH LEEJAY HAM HUAY KYA KAAMYAB

KITNAY CHEHRE HAMSARI MAIN AA GAYE

RASM E BANDAPARWARI KAR DO ADA

HAM TUMHARI BANDAGI MAIN AA GAYE

KAANPTAY ANJAAM SAY HOTA JO HOSH

HAM YAHAAN DEEWANGI MAIN AA GAYE

Categories: Muslim Saleem

MUSLIM SALEEM – 13 AUGUST 2018 HAM NAY KABHI WAFAAON KA CHARCHA NAHEEN KIYA

August 20, 2018 Leave a comment
MUSLIM SALEEM – 13 AUGUST 2018
HAM NAY KABHI WAFAAON KA CHARCHA NAHEEN KIYA
WO BHI NIBHAA DIYA HAI JO WAADA NAHEEN KIYA
POSHEEDA AARZU’ON KO RUSWA NAHEEN KIYA
DIL KHOOn KIYA HAI AANKH KO DARYA NAHEEN KIYA
MEHFIL MAIN JAHILON KI RAHE PUR WAQAAR HAM
CHUP CHAAP LAUT AAYE TAMAASHA NAHEEN KIYA
CHIDIYA KO KYA UDAA KAY KOI BAAZ LAY GAYA
WAA AAJ US HASEEn NAY DAREECHA NAHEEN KIYA
MAULA KA YE KARAM HAI KE MUSLIM HAR EK KAAM
YUN KAR LIYA HAI HAM NAY KE GOYA NAHEEN KIYA

 

Categories: Muslim Saleem

MUSLIM SALEEM – 12 AUGUST 2018 CHANDNI MAIN NAHEEN, RAUSHNI MAIN NAHEEN

August 20, 2018 Leave a comment
MUSLIM SALEEM – 12 AUGUST 2018
CHANDNI MAIN NAHEEN, RAUSHNI MAIN NAHEEN
US MAIN KUCCH KHAAS HAI JO KISI MAIN NAHEEN
PHIR BHI MANSOOB US SAY KARTE HAIN SAB
ZIKR JISKA MIRI SHAIRI MAIN NAHEEN
KUCHH KHAFA, KUCHH HAYA, KHAMUSHI HI SADA
KAISI KAISI ADA BERUKHI MAIN NAHEEN
LAB PE AAYA HAI USKE JO HARF E WAFA
AISI SHEEREENI TO CHASHNI MAIN NAHEEN
SAANS SAZINDE KI KHEL KARTI HAI SAB
WARNA KOI HUNAR BAANSURI MAIN NAHEEN

 

Categories: Muslim Saleem

MUSLIM SALEEM – 3 AUGUST 2018 KISI KE DAR PE HAMARI JHUKI JABEEN TOU NAHEEN

August 20, 2018 Leave a comment

MUSLIM SALEEM – 3 AUGUST 2018
KISI KE DAR PE HAMARI JHUKI JABEEN TOU NAHEEN
KOI HAMARA SIWAA E KHUDA NAHEEN TOU NAHEEN
MILAA HAI PYAAR SE LEKIN INAAD KA KHANJAR
KAHEEN CHHUPAYE HUAY TERI AASTEEn TOU NAHEEN
KABEER, NANAK O GAUTAM KA DESH THAA JO KABHI
WAHI HAI DESH MAGAR AB YE WO ZAMEEN TOU NAHEEN
CHHUPA KE TAAQ MAIN TU SACH KO RAKH NA PAAYE GAA
GUMAAn HAI YEH, MUTAZALZAL TIRA YAQEEN TOU NAHEEN
AGAR HABEEB E KHUDA KI NAHEEN DILI TAAZEEM
ZARAA YE DEKH KE KHATRAY MAIN TERA DEEN TOU NAHEEN

Categories: Muslim Saleem