Home > Muslim Saleem > NAZRANA-E-AQEEDAT BAKHIDMAT MOHTARAM MUSLIM SALEEM SB

NAZRANA-E-AQEEDAT BAKHIDMAT MOHTARAM MUSLIM SALEEM SB

 

NAZRANA-E-AQEEDAT BAKHIDMAT MOHTARAM MUSLIM SALEEM SB
TARIQUE MOHIUDDIN, PATNA, BIHAR (INDIA)
Ek rahbar ik mujahid aaj Urdu ko mila,
Main tou kahta hooN ke beshak taaj Urdu ko mila.
Her jagah Urdu zabaaN ko zakhm hi kaari miley,
Iss ke haq mein jo miley woh dar ke darbaari miley.
Sher kahna sher sunana aur iss per tabsira,
RotiyaN kuchh seNk leeN aur pet apna bhar liya,
Lad khadhayi gir padi, sambhi, yeh phir gir kar uthhi,
Silsila chalta raha murjha gayi nazuk kali.
Iss ke sar par be-tuka bohtaan bhi rakkha gaya,
Iss pay dushman ki zabaaN keh kar sitam dhaaya gaya.
SaazishoN ke teer se phir iss ka dil chhalni hua,
Zer-e-maqtal ik tamasha raqs-e- bismil bhi hua.
Her qadam per thokareN theeN, thhe masayeb bhi baday,
Kah rahe thay sab yahi dushwaar hain yeh marhale.
Her tarah maayoosyoN ka chha geya iss per gahan,
Iss ghata ke beech ubhri phir khushi ki ik kiran.
Aur phir aisi sada uthhnay lagi Bhopal se,
Tum nikaalo ab tou iss ko sazishoN ke jaal se
AafreeN sad AareeN uthta raha paiham qadam,
Ek wehshat, ik janooN tha saath uss ke dam badam.
Woh mujahid kaun hai takraya jo toofaan se,
Hind ki sarhad mila di kis ne Pakistan se.
Un ki azmat ko kareN jhuk ker zara hum bhi salaam,
Naam hai Muslim Saleem unka kareN hum ehteraam.
Dekh len unki inaayat kya yahaaN Urdu ko hai,
Zaat aisi mohtaram kyoN rashk -e- jaaN Urdu ko hai.
Hai suroor-e-jaaNfiza unka kalaam-e-laajawaab
Shairi unki hai jaise dard ka darmaaN janaab,
Chust hai lafzon ki bandish, hai ajab tarz-e-bayaan
Maat hain nok-e-qalam ke saamnay tegh-o-sinaaN
Fikr hai sab say alag, sab say achoota hai kalam
Is main koi shak naheen hai dil ko chhoota hai kalaam,
Kya takhayyul, kya yeh andaaz-e-bayaaN hai dosto!
Iftikhar-o-naazish-e-ahl-e-zabaaN hai dosto!
Ilm aur fan ka Aligarh say inheN tuhfa milaa,
Darja-e-awwal say B.A tak waheeN seekha-parhaa.
Aap bhi iss ka asar dekheN ge inki zaat meiN,
Qaum ka gham jaise Sir Syed ko tha, din mein raat meiN.
Phir Allahabad say Arabi meiN M.A bhi kiya,
Akbar-o-Ibn-e-Safi ki sarzameeN par gul khila
Naazish-e-sher-o-sukhan Muslim ko logon ne kahaa,
Dekh leN site pe inki kis qadar hai tabsira.
Bazm inke naam ki sajti hai subh-o-shaam ab,
Rok sakti hi nahi hai gardish-e-ayyaam ab.
Ek maktab, ik idara ilm-o- daanish ka khula,
Le rahe hain faiz in se dekhye hum barmala.
Aap ke charche naheen bas Hind-o- Pakistan mein,
Tazkire hote hain ab to Cheen mein, Japan mein.
Her idaray say mileen asnaad inko be-shumaar,
Shair-e-yakta, kaha be-misl Afsana nigaar.
Aap ki khidamt adab mein hum likheN to kya likheN,
Aap ke rutbe maratib jo likheN thoda likheN.
jis tarah gul ki chaman bandi ho khushboo ke liye,
Dil dhadkta hai agar agar unka to Urdu ke liye,
In ki koshish ne diya Urdu ko husn-e-lazawaal,
In ki khidmat ki adab mein hai nahi koi misaal.
Aap ne sher-o-adab ko, fun ko zinda kar diya,
Haal sabka apni web directory main likh diya,
Kis qadar ehsaan in ka hum ginayeN dosto,
Pad gaye alfaaz kam, kaise batayeN dosto.Tariq_on_Muslim_january_2014 NEW
Advertisements
Categories: Muslim Saleem
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: