Home > Urdu poems and prose latest > Roma Rizvi – afsana – Tarka

Roma Rizvi – afsana – Tarka

Ajj phir subah hi se ammi aba ki behas shru ho gai thi…rooz iss waqt tak mein ghar se nikal chuki hoti thi lakin ajj chuhti ka din tha aur majbo-ran iss mahool mein mujhy rehna tha..buhat kosish ki ke kisi trah zehan ko kitaab pe markooz ka rsakoon lakin mushkil tha…

Rooz ki trah abba ka ajj bhi Israar tha ke ammi Nana Abba se apney hissey ka mutalaba karien…aur ammi ka israar tha ke mein amma abba se koi hissa nahi mangoon gi..

Meray abba ba-zaahir aik maqool amdani per mulazim the…aur ham teen behan bhai …achey halaat hi mein parwarish pa rahey the..lakin abba apney wasaail ko barrhaney ke liye amma se ye mutalba aksar kiya kartey…”Abba na rahey tu koi poochne wala bhi na ho ga..ye bhai loog bhi sirf ussi waqt tak zimedaar hein jab tak unn ki pooch gach kar rahey hein..” abba ne kaha…phir bhi mujhy acha nahi lagey ga..ke unn ke akhir waqqt mein unn se jaidaad mein hissa mangoon…ammi ka wo hi israar tha..

Baharhaal arsa hua inn batoon ko…ajj iss liye yaad aien jab Ahmer ke Munh se ye sunna …Ahmer meray shuhar (husband) hein hamarey bhi  itifaqiya meray bhi 3 bachey hein…2 baitiyaan aur aik sahab zaadey..

Apney abu se baat tu karna…Ahmer ne phir baat duhrai..”lakin meri shadi pe itna kuch de chukey hein…acha nahi lagta mujhey ye sab kehna”..mein ne kaha…

itney mein meri saas ne a ke aik jumley ka izzafa kiya..”arey baitiyoon ko tu walideen tamaam umer deity hein…aur mujhy tu hassrat hi rahi ke tumharey ghar se kisi bachey ki paidaish pe hamrey liye kuch aya ho…wo loog bhi tu hein ju baitiyoon ko zameenein tak jahiaz mein deity hein..”

Abb mein khamosh ho chuki thi…be-dilli se ghar ke kaam mukammal kiye…ajj socha ke ammi abu se hi mil loon….dopahar tak abba ke ghar puhanch gaii thii…meray dono barrey bhai . hamesha se hi buhat laad utthatey hein meray…ghar mein ammi thien abbu ..mujood nahi the…bhabiyaan apney kamoon mein masroof..

Abba ke ghar atey hi ronaq si agaii…un ki aik hi baiti hoon…buhat chahtey hein mujhy….”kab aien…shaam tak tu rahoo gi na…” Un ki khushi mujhy bhi mehsoos hui..Dill chaha ajj pooch hi loon…kafi dair guzar chuki thi..akhir kaar ahista se poocha…”Abba kiya ….baiti ka bhi haq hota hai jaidaad mein.?.”.

abba abhi jawaab bhi nahi de paye the ke …peechey se bhai ki awaaz aii…”ye khud nahi inn ke mian ka sawaal ho ga…mein sharmindah hi ho gaii..itney mein peechey se dosrey bhaii ne kaha..”jee abba khud tu wo duniya bhar mein First class mein safar kartey hein aur ye muhtarma public convince pe.”..” Bhaii mein apni marzi se aisey aatii hoon mein ne safaii dii..”acha acha sab samjhta hoon…” bhai ke lehjey mein abb talkhi si thi… “app ne iss ki shadi pe kuch kam kharcha kiya tha….har sahu-lat ki cheez di..apney funds tak laga diye.. abb kiya ghar ka bhi batwara ho ga..iss ke liye..”

“Bas karoo Riyaz.!”!..abba ki awaaz aii..ju kuch iss ki shadi pe kiya gaya..wo meri khushi thi…aur jaidaad mein Hissa Allah ki Manzoori se hai ..

Aur ju kuch iss ki qissmat thi wo hi diya gaya na…hassiyat ke mutabiq…

Mahool ki talkhi dekh ke mein ne utthney mein hi behtri samjhi…”Abba mein ghar chalti hoon”…..mein ne kaha..

“arey tum tu shaam tak ke liye aien thien khana kha ke jaatien.”…ammi bhi parishaan huien…”Nahi ammi Kaami ghar ajaye ga…school se phir parishaan karey ga”…”aur koi bhi dekh le ga uss ko..tumhari saas waghira.”..ammi ke kehney ke bawajood mein nahi ruki…

“acha Ayaz ya Riyaz se kahoon chorr deien?”…”Nahi  nahi mein khud hi chali jaoon gi jaissey aii thi.”..mein ne rooka..warna raastey mein mazeed apney shuhar ke qaseedey sunney parrtey…

Rasstey bhar sochti rahii aur aik faisley pe puhanchi..ke meri donoo baitiyaan iss qabil zaroor hoon ke unn ko shuhar ya walid ke hi kifalat ya jaiddad mein hissey ki zarorat na hoo…apney pairoon pe kharri hoon..aur khud aik mazboot fard hoon…ju ghar mein bhi madad-gaar hoo….aur mashrey mein bhi apna maqaam rakhti ho..sirf Mrs xyz na hoo…Khuda karey ke mein iss mein kamyaab ho jaoon…

Advertisements
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: