Home > Urdu poems and prose latest > Roma Rizvi – short story – Razzaq

Roma Rizvi – short story – Razzaq

“Razzaq”

Posted on June 29, 2013

4

Ajj mujhey iss Elaqey mein aatey dosra din tha..baiti ke imtihan qareeb the..iss liye unn ki so called group studies jaari thein ..

beintiha masrofiyat ke bawajood bhi us ke liena mera mamool tha..ajj phir aney mein kuch dair ki …abb mein ne intizar mein amholl ka jaiza leina shru kiya..ealqa tu ghair maroof sa tha lakin shurafa ki rehaish thi…nazdeek hi channd dukanien ..aur aik Hotel naam ka dhaba keh lijye mujood tha…

Intizaar …garmi ki shidat …aur sara din ki thakan ..ajeeb koft ka alam tha..lakin phir wo hi baat ke baiti ko leina ….mein ne driver se kaha ke ghar ke door bell baja de..baiti sahaiba bar amad huien…

aur mein ne sukh ka saans liya…

ajj dosra din hai..ajj mein mahool se kafi manoos hoon…mahool mein hotel ki makhsoos khushbu.

.garma garm  tandoor se nikalti khusbu..rotiyoon ki khushbu…

lagta tha bhook chamak utthi hai..lakin mein ne zamana e talib Illmi ke baad se bahar kharrey ho ke khana chorr diya tha…

Ye wo waqqt hota hai ke jab ghar puhanchney ki jaldi hoti hai …aur sarrkoon pe uss qadar hi trafic jaam….

Ajj phir wahien kharra hoon….Mahool mein abb ye kushbu manoos si lagney lagi hai….garm roti ki mehak…kuch dair ko garri ka sheesha neechey kiya…aur apney andar iss mehak ko utarney ki kosish karney laga….

Roti banaey wala…shaklan aik mazdoor numa koi tees batees saal ka jawan admi lagta tha…uss ne shalwar pe sirf banyan pehan rakha tha..ju abb tak safaid se surmaii rang ikhtiyaar kar chuka tha…paishani pe behta pasina jab uss ke chehrey pe aata tu ajeeb ujlat se uss ko jhatakata…shaam gehri honey ke saath saath  gahkoon ki qataar mein bhi izzafa hota chala ja raha tha…aur iss qataar mein izzafaey ke saath uss ke hathoon ki raftaar bhi taiz hoti chali ja rahi thi…

“Rasheed AC taiz karo” uss ka behta passina aur Tandoor ki garmi ke ehsaas se mein beikhtiyaar driver se keh gaya…

Janey khud hi ehsaas hua ke mein pehley hi kafi thandey mahool mein baitha hoon..

Din guzartey cahley gaye….

Ajj 10 waan din hai..

abb meri nazar khud ba khud ussi janib utth jaati jahan Tandoor mujood hai…Logon ki tadaad dekhta aur uss ki Mustaadi se chaltey haath..chehrey ki muskurahat kabhi ghussey mein nahi badli…”Razaq zara jaldi ghar mehmaan baithey hei” kisi ne awaaz lagai…”Acha saab” uss ke haath aur taizi se chalney lagey jissm pe passiney se chipki Banyaan chahrey pe passina kandhey pe rumaal aur garm Tandoor…

Achanka garri ke sheeshey pe halkey se tak tak ki awaaz ne chunka diya ….samney Razaq kharra tha..haathon mein akhbaar pe rotiyaan aur unn pe rakha kuch aur…”haan kiya baat hai..”Mein ne poocha..

“Saab apke liye roti laya..” .uss ne kaha..

“Lakin Mein ne tu nahi mangaai…”mein jhunjla gaya…

“app ko kai din se dekh raha hai saab app ham ko dekhta hai..khushbu ka maza lieta hai…”…roti ki khushbu..bhokey pait ko kaissa lagata hai …ham app se acha janata hai saab..”.Razaq bola..
mein ne kuch rupey de ke jaan chorrani chahi…acha ye lo..

“Saab hamara naiki zaya matt karo…kuch deina hai tu am ko dua do..ham apney haath se rooz seekroon ko roti de..” wo ye keh ke taizi se wapis murr gaya..

Mery haathon mein uss ki dii hui rotiyaan thien aur lab pe aik dua..ke Allah dill mein wo taqat de ke har aik ko Razaq ki Trah sairaab kar sakoon…

Advertisements
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: