Home > Urdu poems and prose latest > Ghazal maine ye kab kaha by Anwar Hasan

Ghazal maine ye kab kaha by Anwar Hasan

Maine ye kab kaha ke gul e tar raha hooN maiN,
Par ye bhi sach nahiN hai ke patthar raha hooN maiN,

Gham hai falak se girne ka lekin khushi bhi hai,
Jab tak raha huuN apne paroN par raha huuN maiN,

Kis kis ko dosh duuN Mujhe samjha nahiN gaya,
Sari khata meri hai,samandar raha huuN maiN,

Tujhko gila ke shikwa tha naghma na ban saka,
Mujhko khushi ke tere laboN par raha huuN maiN,

Tumko badan dikha hai mera maiN nahiN dikha,
Apne badan ki ot me chhupkar raha huuN maiN,

Aisa dil or dimagh me ghamsan tha ke bas,
Shab bhar makan e jism se bahar raha hooN maiN,

Tahzeeb e zindagi ko nibhane ke naam par.
Ta umr jo nahin tha wo bankar raha huun maiN,

Kamre me dil ke koi sajata mujhe to kyun,
Beete huwe baras ka calender raha huuN maiN,

Aansu tha chashm e waqt ka meri hayat kya?
Aankh or zameeN ke beech me pal bhar raha huuN maiN,

Har zakhm meri peeth ka mere hi dum se hai,
YaroN ki aasteen ka khanjar raha huuN maiN,

Ik simt tashna lab the to darya tha ik taraf,
Deewar e darmiyaN me khula dar raha hooN maiN,

Daur e jadeed me mujhe khatir me laata kaun,
Achche bure ke beech ka antar raha hooN maiN,

Aakir ko lautna hi pada dunya ki taraf,
Mushkil se chand roz qalandar raha huN maiN,

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: